IniciosociedadeViveiro adxudica obras en tres rúas do casco e Martín Ledesma

Viveiro adxudica obras en tres rúas do casco e Martín Ledesma

A Deputación Provincial de Lugo financia as actuacións, orzamentadas en 155.000 euros

Publicada o

- Advertisement -

O Concello de Viveiro adxudicou varias actuacións no municipio trala xuntanza da mesa de contratación para a licitación de obras. O seu financiamento correrá a cargo da Deputación Provincial de Lugo.

Unha das obras a realizar é a reposición e mellora do firme nas rúas Rego das Frores, Alonso Pérez e Jesús Noya no núcleo urbano de Viveiro. O orzamento destinado a estas actuacións é de 57.632,46 euros e o prazo de execución é dun mes.

Nese intervalo procederase ao acondicionamento dos tres viais, co obxecto de facilitar a circulación rodada dos mesmos mediante o reforzo do firme. Tamén se farán obras de albanelaría necesarias para elevar as tapas de rexistro dos pozos e sumidoiros existentes. Presentáronse catro empresas con cadanseu proxecto e finalmente resultou proposta Desarrollos y Metas, S. L., por un prezo ofertado de 45.617 euros.

ZONA ESCOLAR

Outra das actuacións é a reposición de firme e rexeneración de isletas existentes fronte á zona escolar da rúa Martín Ledesma. O orzamento neste caso é de 97.367,54 euros, cun prazo de execución dun mes.

Neste caso, a empresa adxudicataria deberá acondicionar a estrutura do vial; reemprazar o borde de formigón que delimita as isletas situadas fronte ao edificio da Cruz Vermella; dotar á zona verde de rego automático; instalar dous pasos de peóns elevados desde o paseo marítimo ata a zona escolar; sanear os sumidoiros. A empresa Carferlo, S. L. será a encargada da tarefa, cun custo ofertado de 68.123 euros.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...