Os abonos para o Resurrection Fest Estrela Galicia 2026 para as persoas censadas en Viveiro –lugar onde se celebra o festival– estarán dispoñibles este martes, dous de decembro. Tal e como trasladou a organización do evento nunha nota de prensa, como cada ano as persoas censadas no municipio lucense disporán de abonos normais e Pandemonium para Resurrection Fest a un prezo reducido.

Aqueles interesados poderán adquirir estes abonos de Resurrection Fest Estrela Galicia a partir do próximo día dous de decembro, e durante todos os venres, de 9.00 a 11.00 e de 12.00 a 14.00 na Oficina da Xuventude. Así mesmo, lembrou que os abonos son persoais e intransferibles e só poderán facer uso deles a persoa que figuren no censo. Non se poderá ceder a terceiras persoas e só se permite a compra dun abono por persoa.