O afundimento da estada N-624 á altura da Areoura o 21 de xaneiro deste 2023 xa está reparado. A circulación entre os concellos de Foz a Burela está aberta mentres que a última hora do martes pasado aínda non se circulaba en sentido contrario. Porén, estaban circulando os vehículos cara a Burela. As obras para deixar listo o firme da estrada apuraron no último mes, sobre todo durante os días de bo tempo.

Os traballadores aceleraron o proceso de reparación para deixalo listo esta semana. O remate foi a colocación da sinaléctica horizontal e vertical. Tamén se colocaron as barreiras ou defensas para delimitar a estrada nacional. O investimento para esta obra foi de algo máis de dous millóns e medio de euros.