InicioTapia busca xestor para o albergue de peregrinos municipal

Tapia busca xestor para o albergue de peregrinos municipal

O prazo para presentar as propostas remata o 24 de maio e o canon mínimo esixido é de 2.500 euros

Publicada o

- Advertisement -

O Concello de Tapia de Casariego sacou a concurso a xestión do albergue de peregrinos municipal, que ata agora xestionaba de forma directa. O goberno local xustifica a decisión no aumento do número de usuarios e na necesidade de mellorar a calidade do servizo.

O anuncio de licitación fixa un canon mínimo de 2.500 euros para a adxudicación do contrato, dun ano de duración e prorrogable por dous máis. O concesionario deberá manter as instalacións abertas durante alomenos once meses ao ano e encargarse da súa limpeza e mantemento, ademais de recibir e atender directamente aos peregrinos, que agora recollen as chaves na oficina de turismo da vila.

O prazo para a presentación de ofertas por parte dos interesados abriuse o pasado 14 de maio e pecharase o vindeiro día 24, ás 14.00 horas.

3.000 VISITAS O ANO PASADO

O albergue, un edificio de titularidade municipal de dúas prantas que conta 30 prazas de aloxamento, está situado nun lugar privilexiado, sobre a praia de Represas, na entrada da vila para os peregrinos que percorren o Camiño de Santiago. O ano pasado recibiu preto de 3.000 visitantes de diferentes países.

A vila tapiega é un lugar de paso do chamado Camín Bello, unha bifurcación do Camiño Norte que permite recorrer varios quilómetros a carón da costa, desde La Caridad ata a entrada a Galicia por Figueras e Ribadeo.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...

Un equipo especializado da Garda Civil traballa para determinar as causas do incendio do Valadouro

Un equipo especializado de investigación de incendios da Garda Civil, con sede na cidade da...