Os estudantes de 3º da ESO do Instituto de Enseñanza Secundaria (IES) Marqués de Casariego veñen de ser recoñecidos co primeiro premio no certame de creación de cartaces incluído na trixésimo novena edición da Semana das Lletras Asturianas, impulsada pola Consejería de Educación y Cultura.

O alumnado do centro tapiego obtivo o primeiro posto nesa categoría pola súa obra ‘Fala en fala’, no que mesturan distintas fotografías co lema do cartaz e destacan palabras na lingua como señardá, bidureira ou ameicer.

O CPEB DE BOAL, TAMÉN DISTINGUIDO

O estudantado do Colegio Público de Enseñanza Básica (CPEB) Carlos Bousoño, de Boal, tamén recibiu un galardón. Neste caso, os alumnos gañaron o primeiro premio no apartado de creación audiovisual coa peza ‘Préstame falar’.