InicioPolíticaO lixo acumúlase en Ribadeo polos problemas económicos da adxudicataria

O lixo acumúlase en Ribadeo polos problemas económicos da adxudicataria

Soil Recovery, en situación concursal, deixou de retirar os residuos dos contedores amarelos e de recoller cartón

Publicada o

- Advertisement -

Os problemas económicos de Soil Recovery, adxudicataria de varios servizos de limpeza en Ribadeo, están a afectar á retirada do lixo. A empresa –inmersa nun procedemento concursal- deixou de retirar o lixo dos contedores amarelos, que acumulan envases de plástico, latas e bricks, e obrigou á suspensión temporal da recollida de cartón porta a porta.

CONTEDORES AMARELOS

O concelleiro de Xestión de Residuos e Limpeza Viaria, Jorge Díaz, afirmou que o goberno local “traballa para volver á normalidade o antes posible” e que a prioridade é retirar o lixo dos colectores amarelos “que están desbordardos”. “En poucos días poñerase outra empresa para actuar neses puntos en concreto por esixencias de salubridade e control”, afirmou.

o goberno local asegura que traballa para “volveR á normalidade o antes posible”

RECOLLIDA CARTÓN

No tocante ao servizo de recollida de cartón porta a porta –que se viña facendo martes e xoves-, o edil explicou que o concello decidiu “suspendelo de momento por prudencia para non colapsar máis o servizo ata que non se atope unha medida, que nos vindeiros días estará lista”.

CONTRATO

Jorge Díaz aclarou que, malia que a empresa levaba unha tempada con problemas, o concello recibiu este luns a comunicación oficial de que deixaba de prestar este servizo. “Hai uns tempos e formas estipulados pola lei que nos marcan e temos que seguir”, explicou o concelleiro.

CRÍTICAS DA OPOSICIÓN

O PSOE ribadense responsabiliza ao goberno local da situación xerada.  O seu secretario xeral, César Fernández Murias, acusa ao alcalde de “falta de previsión e de deixamento” ante un problema previsible xa que, segundo argumentou, “a empresa comunicou hai tempo que ía  deixar de prestar o servizo”.

O PSOE acusa ao goberno local de falta de previsión e deixamento

O socialista explicou  este domingo que “os contedores amarelos levaban máis de tres días sen ser atendidos, acumulando desperdicios e ocasionando malos cheiros, e o punto limpo “outros 10 días”, e incidiu na “pésima imaxe” que ofreceu o municipio en plenas festas patronais. César Fernández demandou a “retirada do lixo de forma urxente”.

LIXO ORGÁNICO

O concelleiro de Xestión de Residuos e Limpeza Viaria precisou que o servizo de recollida de lixo orgánico está a ser realizado por  persoal municipal  “sen ningún problema de funcionamento  nin nada que ver cos servizos que desempeña esta empresa”.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...