A chegada de carabelas portuguesas, un ano máis, afectou a algunhas praias da Mariña, provocando que os areais de Foz izasen a bandeira vermella, que prohibe o baño.

Tal e como explicou o xefe do servizo de socorrismo do devandito municipio, Paco Duarte, “non é unha novidade”, xa que “todos os anos en agosto” experimentan a chegada desta especie mariña.

“Especialmente cando hai vento do nordeste chegan máis, porque ao moverse pola superficie da auga son desprazadas por el”, explicou. No entanto, “este mércores están a chegar de forma salteada, onte houbo máis” apuntou.

Así mesmo, notificáronse algunhas picaduras, todas elas de carácter leve.

Polo momento, espérase que continúen chegando durante o resto do verán, xa que é unha situación que se está “normalizando” nas costas galegas na época estival.