Duplícanse os días para a renovación do DNI en Ribadeo. Agora será dúas veces ao mes. A oficina móbil estará situada a carón da sala de exposicións do Parque de San Francisco (antiga oficina de turismo).

A concelleira de Promoción Económica, Marta Saiz, subliñou que “temos novidades importantes para proceder á renovación do DNI e do pasaporte en Ribadeo. Duplícanse os días nos que funcionarios da Policía Nacional se trasladarán á nosa vila para realizar estes trámites. Virán dous días ao mes en lugar de un. Haberá que solicitar cita previa, como ven sendo habitual, pero as persoas que acudan a renovar o seu DNI xa marcharán co novo documento o mesmo día para a súa casa, así non terán que volver buscalo”.

A edil ribadense engadiu: “e outra novidade máis é que a oficina móbil vai estar situada a carón da sala de exposicións do Parque de San Francisco (antiga oficina de turismo). Seguimos mellorando servizos en Ribadeo para as nosas veciñas e veciños”.