O Concello de Viveiro habilitará durante a celebración do Resurrection Fest un espazo de aparcadoiro para os veciños de Celeiro na zona de Lavandeiras.

En concreto, o espazo está ubicado entre a Escola de Idiomas e a conserveira. O estacionamento estará reservado únicamente para os veciños de Celeiro.

O concello agradece a colaboración dos veciños durante o festival, que supón un impacto económico moi importante para Viveiro. O Resurrection Fest comeza mañá, mércores 28, e rematará o sábado 1 de xullo.