InicioPolíticaO PP de Burela pedirá no pleno a reprobación do alcalde

O PP de Burela pedirá no pleno a reprobación do alcalde

Os populares presentarán o xoves unha moción para afear "os incumprimentos" do rexedor

Publicada o

- Advertisement -

O PP de Burela impulsará no pleno do vindeiro xoves a reprobación do alcalde, o socialista Alfredo Llano. Os populares presentarán a debate unha moción para que a corporación municipal burelesa dea un tirón de orellas ao rexedor, que, a xuízo dos conservadores, “incumpre o que el mesmo propón”.

O PP burelés asegura que Llano leva “tres anos e catro meses perdidos” e afirma que “nada do que anunciou ou se comprometeu se ten iniciado”. Neste senso, os populares aluden á falta de concreción en cuestións como o plan de tráfico, a ubicación e regulamentación do mercado, o plan de peonización, o adecentamento da traseira das chabolas ou a ordenanza de terrazas” para xustificar a súa proposta.

Os conservadores critican tamén que “o plan normativo municipal desde 2018 é practicamente igual ao de 2017”. Sosteñen que “non hai ningún documento para discutir” sobre “a elaboración dun regulamento que fixe o control do cobro de entradas a eventos organizados polo Concello” e pregúntanse “se o alcalde e o concelleiro de cultura teñen algo que agochar”.

PAVILLÓN

Por último, denuncian, “non hai nada feito para acadar o novo pavillón, nin a modificación orzamentaria necesaria para mercar os terreos”. Con estes motivos, os conservadores impulsarán a reprobación do alcalde porque “a vagancia e a mentira non poden ser normas de conduta de quen ostenta a representación do Concello”.

CARÁCTER SIMBÓLICO

A reprobación é unha figura política de carácter simbólico, xa que non supón a esixencia de demisión nin a proposición de substitutos, como acontece cunha moción de censura. Atópase recollida dentro do dereito a “manifestar sentimentos” a favor ou en contra da xestión dun cargo público.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...