O BNG convoca este venres (20.00 horas, Xardíns Noriega Varela) en Viveiro “o primeiro dun dos numerosos actos nos que as candidatas e candidatos mariñaos Miriam Bermúdez, Daniel Castro, Andrea Martíns, Diego Fernández e Marco López , e tamén Olalla Rodil, Néstor Rego e Ana Pontón percorrerán os concellos da comarca” de cara ás eleccións galegas do 12 de xullo, afirma a formación nacionalista.

O acto, no que intervirán a responsable comarcal do partido frontista e alcaldesa de Barreiros, Ana Ermida, Bermúdez, concelleira en Viveiro e candidata número 7 ao Parlamento autonómico, Castro, candidato número 2 e Rego, deputado no Congreso, mariñao, e que desde participa no primeiro acto público en Galicia despois de tres meses de confinamento en Madrid.

O BNG mariñao tamén amosou o seu apoio á manifestación convocada para o luns 22 de xuño, ás 20.00 horas, baixo o lema ‘Futuro para A Mariña‘ e en defensa das infraestruturas, a industrialización, a sanidade e os servizos públicos, convocada polos sindicatos en Burela. Un respaldo que estenden aos traballadores de Alcoa e empresas auxiliares. A formación frontista reclama a PP e PSOE “a nacionalización da factoría”, que é “a solución” ao conflito laboral aberto polo despedimento colectivo presentado pola multinacional.