InicioPolíticaA Xunta financiará o mantemento de espazos naturais en Trabada e Lourenzá

A Xunta financiará o mantemento de espazos naturais en Trabada e Lourenzá

O Fondo de Compensación Ambiental achegará 72.000 euros a gastos de persoal e equipamento nestes dous concellos

Publicada o

- Advertisement -

A Xunta de Galicia investirá 72.245 euros no financiamento do servizo de mantemento de espazos naturais dos concellos de Trabada e Lourenzá.

A Vicepresidencia e Consellería de Presidencia, Administracións Públicas e Xustiza sufragará, por unha banda, gastos de funcionamento dos servizos municipais dedicados á protección do medio ambiente e dos espazos naturais e, por outra, a adquisición de equipamento de protección ambiental para os dous concellos mariñaos.

Este apoio económico concédese a través da liña competitiva de subvencións do Fondo de Compensación Ambiental e permitirá contribuír ao financiamento de gastos de funcionamento propios destes servizos, tales como os gastos de persoal e os de mantemento dos tractores empregados no desbroce e limpeza de vías.

CONTEDORES

Tamén está previsto financiar a instalación de diversos contedores para a recollida selectiva de papel e cartón, vidro, residuos sólidos urbanos e envases, ademais de soportes para a suxeición de contedores. O proxecto contempla tamén a construción de soleiras de formigón.

O delegado territorial da Xunta en Lugo, José Manuel Balseiro, destacou a utilidade do Fondo de Compensación Ambiental para avanzar na protección da calidade medioambiental e a sustentabilidade do territorio. A Xunta destina os ingresos derivados do canon a actuacións encamiñadas á conservación, reposición e restauración do medio.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...