InicioPolíticaUnanimidade para aprobar o regulamento da residencia de Ribadeo

Unanimidade para aprobar o regulamento da residencia de Ribadeo

O rexime xurídico establece a prioridade dos ribadenses no acceso ás prazas, cofinanciadas pola Deputación e o Concello

Publicada o

- Advertisement -

O pleno municipal de Ribadeo aprobou por unanimidade a regulación do réxime xurídico do novo centro de maiores.  Todos os grupos políticos votaron a favor dos regulamentos de acceso e réxime interno da residencia e mais da ordenanza do prezo público pola estancia,  que agora se exporán ao público durante un mes para a presentación de posibles alegacións.

Fernando Suárez Barcia subliñou que se “está encarreirando todo para abrir canto antes a prezos asumibles e cunhas garantías e calidades de funcionamento envexables”. O alcalde aludiu ao “traballo coordinado coa Deputación de Lugo” para poñer en marcha o centro que contará con 47 prazas.

COFINANCIAMENTO

Os residentes no municipio terán prioridade no acceso á residencia, que acollerá tamén veciños da Mariña e do resto da provincia por orde de proximidade. Os usuarios asumirán unha parte do prezo das prazas –dacordo coa súa renda, e tendo sempre garantida a reserva dun mínimo vital-, e a diferenza entre esa cantidade e o custo real do servizo correrá a cargo da Deputación e do Concello.

Os ribadenses terán prioridade e A Deputación e o concello cofinanciarán as prazas

A entidade provincial achegará o 75% desa diferenza –ata un máximo de 600 euros-  e o outro 25% sairá das arcas municipais. O mesmo réxime de cofinanciamento co que contarán as residencias dos concellos que se sumaron ao convenio deseñado pola Deputación para seguir adiante coa apertura das residencias provincias despois de retirarlle a súa xestión á Sociedad Urbanística Provincial de Lugo, S. A. (Suplusa), entre eles o de Trabada.

A OPOSICIÓN, A FAVOR

Os grupos da oposición argumentaron o seu voto favorable nunha residencia “pública” e “accesible para todos os ribadenses”. O PSOE enfatizou a contribución do executivo provincial á construción do centro e a concertación das prazas. Pola súa banda, o voceiro do Partido Popular, Jesús López Penabad, dixo confiar en que o proxecto saia adiante co acordado, ao tempo que manifestou a súa “cautela” en relación coas consecuencias dos desacordos xurdidos entre o executivo provincial e Suplusa.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...