Juan Carlos Piñeiro Docampo, natural de San Cibrao e con domicilio en Burela, actual secretario xeral de Compromiso por Galicia (CxG), será elixido o día 29 de novembro membro da dirección europea do PDE-EDP.
Na actualidade o PDE-EDP ten dez eurodeputados que están baixo a disciplina do grupo “renew Europe”, supoñendo para CxG “estar presentes no núcleo das decisións europeas”.
“Convértese CxG no primeiro Partido galego en ser membro de pleno dereito dun Partido Europeo, xa que non é exactamente o mesmo que os grupos do Parlamento Europeo”, resalta Piñeiro Docampo, que promete “traballar dende a dirección do PDE en beneficio de Galicia e tamén especialmente en poñer voz á Mariña Lucense. A pesca e o tecido industrial estarán presentes na miña acción en Bruxelas”, dixo Piñeiro.