O Concello de Lourenzá acomete nestes días os traballos de mellora de varias beirarrúas do casco urbán laurentino. O orzamento das obras será de 40.000 euros, que financia a Deputación de Lugo.
En concreto, as actuacións consistirán “no picado e na demolición completa das baldosas e da soleira de formigón existentes, que se atopaban en malas condicións e reflectían un perigo para os peóns“, afirma a alcaldesa, a socialista Rocío López, que sinala que “con isto pretendemos dar un toque máis urbán a estas rúas, pero sobre todo mellorar a seguridade”.
SUBSTITUCIÓN DA CANALIZACIÓN DE AUGA E LUZ
A rexedora laurentina precisou que “o Concello aproveitou tamén para substituír a antiga canalización de auga e de luz que discorría por estas beirarrúas por outras instalacións novas. Concretamente, na rúa Muíño do Frade tamén se levará a cabo a instalación de novas luminarias de led”, indicou.
VÍAS “MOI CONCORRIDAS”
López, que visitou as obras acompañada dos concelleiros Ana Belén Martínez e Miguel Castrillón, resaltou que “esta actuación era necesaria para Lourenzá, xa que se centra nas rúas máis concorridas do casco urbano, que levan ao centro de saúde, aos comercios, ás oficinas municipais ou mesmo á piscina“.