InicioPolíticaA revisión de oficio valida as multas tramitadas en Viveiro por persoal...

A revisión de oficio valida as multas tramitadas en Viveiro por persoal municipal

A instrucción non aprecia "vicio de nulidade" nas 807 sancións de tráfico asinadas por traballadores do Concello entre 2016 e 2017

Publicada o

- Advertisement -

O Concello de Viveiro anunciou este xoves que a revisión de oficio que tramitou polas demandas de nulidade das multas de tráfico impostas por persoal municipal concluíu que non hai irregularidades nos expedientes sancionadores. Polo tanto, o executivo local non deberá devolver o diñeiro aboado polos cidadáns.

No mes de outubro do ano pasado, o PP de Viveiro denunciou que o persoal laboral do Concello tramitara 807 sancións de tráfico entre xaneiro do 2016 e xuño do 2017. Os populares afirmaron que a tramitación correspondía a un funcionario -o inspector principal de Policía Local– e que os expedientes poderían ser nulos ao non aterse ao procedemento administrativo.

o executivo local non deberá devolver o diñeiro aboado polos cidadáns

O expediente encargado polo Concello resalta que non existe neste ámbito unha unanimidade xurisprudencial e que é preciso analizar a concorrencia de diversas cuestións, como a existencia ou non de indefensión, o tipo de procedemento ou a imparcialidade na tramitación do mesmo.

Así, a instrucción do procedemento e o Consello Consultivo de Galicia non atoparon evidencias de que existise un vicio de nulidade. A alcaldesa de Viveiro, a socialista María Loureiro, resalta que “a pesar das carencias de persoal funcionario, os procedementos tramítanse segundo a lexislación vixente, garantindo en todo caso os dereitos dos cidadáns”.

o pp denunciou no 2017 que debía ser o inspector principal da policía local quen cursara os expedientes

“ALARMA SOCIAL”

A rexedora criticou a postura dos populares que, afirma, “proporcionaron información sesgada sobre un asunto complexo e causaron unha gran alarma social, pois foron moitos os veciños que se achegaron ao consistorio preocupados polo asunto”.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...