O PP de Burela denuncia o “lamentable” estado da contorna da Fonte da Lamela, situada na Vila do Medio. Os bureleses aseguran que o espazo atópase “todo cheo de suciedade, con restos de escorrentías que non se recollen e mesmo talouse un carballo centenario de xeito agresivo e improcedente”.
Os conservadores aseguran que “constatamos o que nos denunciaron varios veciños, indignados coa situación da zona”.
O grupo municipal burelés cre que “o goberno municipal non é capaz de atender as cousas do día a día da vida municipal”. Neste senso, afirman que o executivo local está “centrado na imaxe e lonxe da xestión, pois non se preocupa de solucionar os asuntos diarios“.
RÚA ROSALÍA DE CASTRO
O PP burelés solicita tamén a modificación dalgúns alcorques que están a comprimir o tronco de varias árbores na rúa Rosalía de Castro. Unha situación que, entenden os populares, débese aliviar “sen agardar demasiado”.