InicioPolíticaA Xunta cede a Riotorto 27 terreos sobrantes da parcelaria de Órrea-Galegos

A Xunta cede a Riotorto 27 terreos sobrantes da parcelaria de Órrea-Galegos

A metade dos predios estarán destinados a fins sociais, como unha escola ou un aparcadoiro

Publicada o

- Advertisement -

A Xunta de Galicia aprobou a cesión ao Concello de Riotorto de 27 predios correspondentes a terras sobrantes da zona de reestruturación parcelaria da Órrea-Galegos. O executivo satisface así unha demanda do goberno local e da Asociación de Veciños.

Case a metade dos terreos cedidos –14 en total– empregaranse como depósitos de madeira. O resto teñen diferentes fins e usos sociais e culturais. Estas parcelas cubrirán necesidades como un campo da festa, un aparcadoiro ou unha escola en Galegos.

A cesión adoptouse tendo en conta a normativa ao respecto, en particular o establecido pola Lei de Mellora da Estrutura Territorial Agraria de Galicia (Metaga). Os terreos cedidos causan baixa no fondo de terras da zona.

CONCENTRACIÓN

A reestruturación parcelaria da Órrea-Galegos abrangue unha superficie de 1.269 hectáreas, correspondentes a 496 propietarios. A redución de predios pasa dos máis de 9.000 a arredor de 1.400. Os investimentos nesta zona por parte da Consellería do Medio Rural ascenden a case tres millóns de euros.

ÚLTIMAS

Morre tamén a nai da falecida no incendio do Valadouro

A muller de 77 anos trasladada ao Hospital da Mariña polas feridas sufridas no incendio...

ACISA Ribadeo anima ás empresas locais a unirse ao Bono Activa Comercio

Acisa anima ás empresas locais a adherirse ao Bono Activa Comercio da Xunta....

A CAMOVI de Viveiro será unha homenaxe a Ramón Blanco na edición deste ano

O Concello de Viveiro será esta próxima fin de semana o escenario dunha nova...

O sábado 20 de abril comeza a XVII Edición de Ribadeo de Tapeo

Este sábado, 20 de abril, dará comezo o XVII Ribadeo de Tapeo, un dos...