O Bloque Nacionalista Galego (BNG) de Lourenzá criticou ao goberno local por presentar no pasado pleno 695 resolucións da alcaldía, que “foron entregadas o luns previo” á sesión plenaria, celebrada o xoves ás 20.30 horas.

“Revisar case 700 documentos en menos de tres días non é viable para ninguén, por isto solicitamos que ditas resolucións sexan entregadas a cada concelleiro mes a mes, coincidindo coa documentación entregada das xuntas de goberno”, expoñen os nacionalistas.

681 TURISTAS PASARON POLA OFICINA DE TURISMO

O BNG ve “con preocupación” que desde xuño a setembro 681 persoas pasaron pola oficina de turismo municipal. Os nacionalistas resaltan que “queda moito por facer para que Lourenzá sexa un lugar atractivo aos visitantes”.