InicioPolíticaO BNG de Barreiros pide un pleno extraordinario para esixir o arranxo...

O BNG de Barreiros pide un pleno extraordinario para esixir o arranxo da LU-P-608

Os nacionalistas queren saber "as condicións" do acordo entre o Concello e a Deputación para o cambio da titularidade do treito da estrada San Cosme-Trabada

Publicada o

- Advertisement -

O BNG de Barreiros rexistrou unha solicitude de pleno extraordinario para que a corporación barreirense adopte o compromiso de esixir á Deputación Provincial que arranxe ou financie o arranxo do treito da estrada LU-P-608 que vai desde San Cosme a Trabada, e que o ente provincial cedeu ao Concello.

A voceira do grupo municipal do BNG, Ana Ermida, expón que “pese a que presentamos un rogo pedindo isto mesmo a primeiros de xuño, o alcalde solicitou a cesión dun vial que pasará a converterse nunha carga máis para Barreiros. Pedir a titularidade dunha estrada en mal estado sen pedir o seu arranxo ou diñeiro para levalo a cabo é unha torpeza absoluta, carente da mínima lóxica”, asegura.

Ermida referiuse á explicación dada polo rexedor barreirense días atrás. Alfonso Fuente Parga asegurou que o Concello solicitou a titularidade dese vial para facilitar o acceso ao parque eólico que vai poñer en marcha Norvento, xa que lle reportará uns ingresos de 30.000 euros anuais ás arcas municipais, e confirmou que “a propia firma” se encargará do arranxo. A voceira do BNG pregunta “a cambio de que beneficio unha empresa privada fará as obras” e resalta que “ese non é o xeito oportuno de xestionar os bens e diñeiro público”.

Para xustificar a solicitude do pleno extraordinario, o grupo municipal do BNG afirma que, “tendo en conta que o acordo adoptado coa Deputación Provincial debe ser aceptado polo Pleno do Concello de Barreiros, é oportuno especificar as condicións ou negociacións que deban acompañar tal aceptación, xa que do contrario sería asumir innecesariamente obrigas que non corresponden ao Concello”.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...