A Deputación Provincial de Lugo investirá 80.000 euros nas obras de mellora da igrexa de Celeiro. En concreto, as actuacións consistirán na reparación da fachada e da cuberta, así como na reposición do falso teito interior.

“CENTRO DE REUNIÓN”

O presidente do ente provincial, Darío Campos, e maila alcaldesa de Viveiro, María Loureiro, revisaron as tarefas, que comezaron este xoves. Campos remarcou “que este investimento beneficiará ao conxunto dos veciños de Celeiro. Desde A Deputación reivindicamos uns bos servizos para mellorar a súa calidade de vida, xa que este edificio é utilizado tamén como centro de reunión das asociacións do barrio”.

INVESTIMENTOS

O presidente do goberno provincial destacou que a Deputación “xa investiu na rúa Rego da Fonde, paralela á igrexa, un total de 187.500 euros”. Campos asegurou que “é unha das estradas máis importantes da parroquia, cuns 2.000 veciños, e pola que transitan gran cantidade de peóns”.