O grupo de non adscritos da corporación municipal de Viveiro critica o estado do parque Pernas Peón, que segundo denuncia “presenta unha imaxe lamentable, que preocupa a moitos usuarios”.

O colectivo califica de “desfeita” que “cando a previsión inicial era a corta de quince piñeiros enfermos e cinco eucaliptos secos, a dura realidade é que se cortaron 78 piñeiros e 33 eucaliptos”.

Así, levará ao pleno unha serie de preguntas: quen tomou a decisión de facer unha tala que excedía as previsións, por que non se solicitou a opinión do pleno e se se solicitaron informes técnicos a empresas especializadas.

ROGO

O grupo de non adscritos viveirense presentará un rogo “para que o parque Pernas Peón recupere folgos e arume”.