O senador do PSOE por Lugo, César Mogo, acusa ao PP de “tres torpezas en catro días” en referencia á “confusión” sobre a propiedade das casetas dos camineiros en Vilalba, feito que ocorría o pasado venres: “esixiron ao Goberno o que é responsabildiade da Xunta”.

“O domingo, o senador (José Manuel) Balseiro anunciou a defensa dunha moción nunha comisión que nin se convocou; e o luns rexeitou un acordo do Senado para axilizar a instalación dunha baliza láser no Fiouco”, sinala César Mogo.

O senador por Lugo sinala que o Goberno presidido por Pedro Sánchez “converteu o tramo do Fiouco na área máis monotorizada de todas as autovías españolas”. Mogo apunta ademais que “o goberno de Rajoy non fixo nada por afrontar ante a persistencia da néboa”, sinalando tamén que “os accidentes máis graves producíronse neses anos e o Parlamento de Galicia votou en contra de medidas inferiores no seu alcance ás que están actualmente instaladas”.

“O PP segue instalado en xerar alarma o que é imperdoable porque xoga coa seguridade das persoas” apunta Mogo. Sobre o balizamento láser, o senador apunta que “é a última actuación dun proxecto que vela pola seguridade das persoas ao seu paso polo Fiouco e instalarase o máis axiña posible”.