O Goberno central considera que o estado de conservación da N-642 na Mariña “é, en xeral, correcto” nunha resposta escrita a unha pregunta formulada no Senado polo PP, que a ve “un insulto á intelixencia”.

Os senadores populares José Manuel Barreiro, José Manuel Balseiro e Juan Serrano interpelaran ao Ministerio de Transportes sobre as obras de rehabilitación que finalizaron no ano 2021 e que “só afectaron a dous tramos”.

O PP sinala que “a deterioración” do firme da N-642 é “evidente para todos os que empregan esta vía habitualmente”. Con todo, engade, o Executivo central “non parece ser moi consciente da realidade” da Mariña.

“Se o Goberno valora como correcto o estado do pavimento desta estrada está a recoñecer implicitamente que non ten previsto, unha vez máis, facer obras de reparación e conservación na mesma”, critican os senadores.