Tres homes resultaron feridos este martes nunha colisión frontal entre dous vehículos, rexistrada nunha estrada provincial de Trabada, segundo informaron fontes da Comandancia da Garda Civil de Lugo e de Urxencias Sanitarias 061.
O sinistro tivo lugar pouco antes das 8,00 horas da mañá, cando un turismo e un vehículo mixto adaptable (pode usarse como furgoneta para carga ou como transporte de persoas con 9 prazas) chocaron de fronte á altura do quilómetro 6,400 da LU-P-6103, no termo municipal de Trabada.
Como consecuencia do impacto, resultaron feridos o condutor e o ocupante do turismo, e tamén foi trasladado un terceiro home, segundo informou o 061.
Así, Urxencias Sanitarias enviou á zona unha ambulancia de soporte vital avanzado, que trasladou a dous homes, J.T.R. e M.P.V., de 55 e 62 anos de idade respectivamente; outra ambulancia de soporte vital básico evacuou a un terceiro home, J.C.F., de 57 anos de idade. O tres foron trasladados ao Hospital Público da Mariña.