O alcalde de Trabada, Rubén García, participou na 45ª edición da Feira Internacional de
Turismo (FITUR), que se celebra estes días en Madrid. A súa presenza nun evento de tal
envergadura ten como obxectivo promocionar o concello e potenciar a visibilidade da Mariña Oriental, unha comarca en constante crecemento no ámbito turístico.

Rubén García subliñou a importancia de estar presentes en FITUR, asegurando: “é importante dar a coñecer tamén o noso pequeno concello nun gran sitio coma este.
Agardamos que isto poida repercutir no que é xa o turismo que ano a ano vai medrando
na nosa comarca, na Mariña Oriental, e que este tipo de eventos poida dar a coñecer o
noso concello e toda a comarca da Mariña.”

A participación en FITUR rearma o compromiso do Concello de Trabada por fomentar o
turismo na zona e atraer máis visitantes, contribuíndo ao desenvolvemento económico
local e comarcal. A visita de Rubén García a este evento internacional tamén é unha
mostra do traballo conxunto entre os concellos da Mariña Oriental para mellorar a súa oferta turística e posicionarse como destino preferente para os viaxeiros.