Un traballador da brigada contra incendios forestais de Riotorto tivo que ser trasladado tras resultar ferido mentres cortaba unha árbore. Segundo informou o 112, o suceso produciuse sobre as 11.00 horas deste sábado e foi un compañeiro do ferido o que alertou do incidente sucedido en Casanova, na parroquia da Órrea. Ata o punto desprazouse a Garda Civil, os profesionais de Urxencias Sanitarias de Galicia-061, que trasladaron ao ferido ata o Hospital Universitario Lucus Augusti, e a Agrupación de Voluntarios de Protección Civil de Riotorto.