InicioOrientalRibadeoRibadeo asina un convenio coa Deputación para financiar o carril-bici desde o...

Ribadeo asina un convenio coa Deputación para financiar o carril-bici desde o centro urbano á praia de Rocas

O traxecto tamén será transitable a pé por beirarrúas e por pasos peonís. Para completar esta ruta circular incluirase o aglomerado asfáltico do treito comprendido entre a praia de Rocas e o encontro coa estrada provincial en Vilaselán.

Publicada o

- Advertisement -

O Concello de Ribadeo asinou o convenio coa Deputación de Lugo para cubrir parte do financiamento do carril-bici que conectará o centro urbano da vila coa praia de Rocas e coa Illa Pancha.

O proxecto ascende a 320.000 euros dos que a Área de Medio Rural e Mar da institución provincial achega 250.000 euros e o resto procede de fondos propios do Concello. O alcalde, Fernando Suárez, asegura que nos vindeiros días se iniciará a licitación “deste ambicioso proxecto”.

Suárez Barcia explicou que “o proxecto consiste na adaptación como vía ciclista dun treito de catro quilómetros entre a praia dos Bloques e a zona do faro”, bordeando a costa e discorrendo por lugares emblemáticos como o cargadeiro ou o Forte de San Damián. Para iso, vaise habilitar un carril-bici bidireccional de dous metros e medio de ancho “a partir do Forte de San Damián, mentres que no resto do traxecto se optará por harmonizar o paso de vehículos e bicicletas nunha vía de sección única de prioridade ciclista”.

O traxecto tamén será transitable a pé por beirarrúas e por pasos peonís. Para completar esta ruta circular incluirase o aglomerado asfáltico do treito comprendido entre a praia de Rocas e o encontro coa estrada provincial en Vilaselán.

O alcalde ribadense subliñou que “é unha importante actuación que vai mellorar as condicións de uso e de seguridade dun espazo que xa é empregado pola veciñanza e en especial pola mocidade para o paseo a pé e para outras actividades físicas”

Fernando Suárez dixo que nestes días se están recibindo xa as últimas autorizacións sectoriais necesarias para a realización desta obra polo que, coas garantías económicas xa aseguradas a través da sinatura deste convenio, “nos vindeiros días iniciaremos a licitación deste ambicioso proxecto”.

EXPOSICIÓN DE PIOGRAVADOS DE ANTONIO MARTÍNEZ

A oficina de turismo de Ribadeo acolle ata o 14 de setembro unha exposición de pirogravados de Antonio Martínez.

Este artista leva traballado esta técnica dende a súa infancia e foi perfeccionándoa ao longo da súa carreira ata chegar á actualidade. Nos dous últimos anos aumentou a súa obra. Nesta mostra pódense ver tanto paisaxes como edificios emblemáticos da vila ribadense e doutros lugares do mundo.

A exposición foi inaugurada na xornada de onte. Xunto a Antonio Martínez estivo o alcalde de Ribadeo, Fernando Suárez. O horario de visitas é de 10:00 a 14:00 e de 16:00 a 19:00 horas de luns a domingo.

ÚLTIMAS

As queixas pola comida na residencia da Pontenova motivo de reunión do BNG cos usuarios

Ante as queixas xurdidas novamente na vivenda comunitaria de A Pontenova polo servizo de...

ACIAFoz sorteará unha cesta entre os clientes máis cafeteiros de 10 locais focegos

AciaFozCCA sorteará unha cesta entre os clientes máis cafeteiros de 10 locais hostaleiros. Esta...

A Garda Civil investiga a tres persoas por deliti de ameazas e inxurias

A Garda Civil investiga na localidade lucense da Pontenova os tres presuntos autores de...

Burela dá por rematadas as obras de mellora no abastecemento da rúa Lamestra

O Concello de Burela informa do remate das obras de ampliación e mellora da...