Seguen estes días na praia dos Bloques as actividades de verán organizadas pola Concellería de Deportes e de Mocidade.

Onte a rapazada puido gozar de kaiaks de 16 a 19:30 horas; hoxe, 30 de xullo, no mesmo horario haberá paddel surf; deslizadores acuáticos o 4 de agosto de 16 a 19:30 horas e os días 5, 6 e 7 de agosto de 11:30 a 14:00 horas e de 16:00 a 19:30 horas.

O concelleiro de Deportes, Francisco José Silvent, anima á mocidade “a gozar das actividades de verán que deseñamos desde o Concello. Xa tivemos outras durante este mes de xullo na pista multideporte e agora seguimos coas acuáticas na praia dos Bloques. Hainas para todos os gustos. Agardamos que as disfruten e que pasen un verán practicando deporte, xogando e facendo novas amizades”.