Ribadeo acollerá do 22 ao 27 de xuño o Campus Mareo Itinerante do Sporting de Gijón, que foi presentado no Salón dos Alcaldes. No acto participaron o alcalde, Dani Vega, o concelleiro de Deportes, Francisco José Silvent, o CEO de The Football Dream, organizador do Campus Mareo Itinerante, Alberto Carmona, o coordinador da SD Ribadeo, Aitor García, e o técnico de Deportes do Concello, Iván López.
O edil de Deportes tivo palabras de agradecemento para o club asturiano: “Quero darlle as grazas desde o Concello de Ribadeo ao Sporting por ensinar os valores e ese gran talento dunha das mellores canteiras do fútbol español, como di a súa historia, aos nosos xogadores. Dámosvos as grazas por facer tan ben o voso traballo, por entender que o deporte é clave e por escoller a Ribadeo como epicentro do fútbol, xa que somos ese punto de encontro entre Galicia e Asturias”. Silvent engadiu: “Son xa varias as edicións que levamos deste campus itinerante e apostamos por que se siga celebrando moitos anos máis”.
Silvent animou ás nenas e nenos a participar neste campus “”polo que vai supoñer para todos eles vivir esta experiencia cun gran club como é o Sporting de Gijón””.
O Campus Mareo Itinerante está destinado a rapazas e rapaces de 8 a 18 anos. A inscrición para participar está aberta. Pode realizarse a través do seguinte web: www.thefootballdream.com As persoas interesadas en obter máis información poden dirixirse ao seguinte correo electrónico: info@thefootballdream.com.