Ribadeo mellorará o Círculo Habanero a Devesa, grazas á colaboración da Xunta de Galicia. Son preto de 8.000 euros os destinados ao pintado e diversas reformas nese edificio histórico.

O alcalde, Dani Vega, explicou que “seguimos xestionando orzamento, neste caso para mellorar as instalacións do Círculo Habanero. Dende logo, esta colaboración 100% da Xunta de Galicia permítenos pintar e mellorar o edificio central, despois de escoitar á asociación que nos reivindicaba que tiñan moitos problemas evidentemente para ter ese orzamento necesario e así mellorar e pintar o edificio do Círculo Habanero”.

O rexedor contou que “fixemos esa xestión ante a Consellería de Cultura, conseguimos preto de 8.000 euros para mellorar toda esa instalación histórica, que ten unha pegada fundamental na Devesa, neste legado tamén indiano que ten en Ribadeo, e desde logo vamos seguir mellorando as instalacións do Círculo Habanero”.

Vega lembrou que “xa se fixeron moitas obras e continuamos para seguir conservando e coidando edificios que son moi importantes para o día a día das persoas, pero tamén dentro da historia que temos aquí en Ribadeo na historia local”.