O alcalde, Dani Vega, explicou que “comezan as obras no Parque de Indianos. Xestionamos unha nova inversión ante a Xunta de Galicia do 100 % do financiamento. Cal é o obxectivo? Mellorar toda esta zona, que estaba certamente abandonada. Qué imos a facer? Converter o calexón que estaba de terra nunha nova rúa, cun pavimento de formigón e beirarrúas de pedra. Eu creo que isto é unha mellora xa moi importante”.

O rexedor contou que “imos rehabilitar todas as baldosas de pizarra das mesmas características, que estaban destrozadas no Parque de Indianos e agora vanse mellorar. Tamén vamos facer unha escavación. Con iso vamos retirar toda a tubaxe que está rota, vamos colocar outra de pvc e iso é para canalizar todas as augas pluviais. E tamén retirada das pérgolas, colocación de novas pérgolas e a partir desde aí tamén mellorar todo o entorno da zona verde”.

Para Dani Vega “trátase dunha mellora moi importante, 100 % financiada pola Xunta. Pero non nos vamos quedar aquí. Vamos investir para mellorar e a partires de agora conservar, coidar todo este espazo porque está moi ben xestionar orzamento e mellorar as cousas e todos os espazos, pero a cuestión é conservar e manter todos estes espazos porque senón cada pouco o que estamos gastando é diñeiro público, en vez de conservar estes espazos, que é obriga de todos. Entón outro espazo que estaba abandonado e vamos melloralo entre todos”.