O vindeiro 5 de outubro da comezo en Ribadeo unha nova edición dos Pasos de Sabiduría, que organiza a Concellería de Benestar Social. Haberá baile os domingos no Centro Social.

A edil Elena Sierra explica que “Pasos de Sabiduría volverá estar connosco desde este domingo, 5 de outubro, enchendo as tardes dos domingos de baile e bo ambiente. Ademais da socialización o que pretendemos facer, tanto cos programas Pasos de Sabedoría como Cercade Ti, é evitar esa soidade non desexada que moitas persoas senten estes longos meses de inverno nos que se limitan as interaccións sociais agravando o seu estado de ánimo e benestar físico”.

A concelleira de Benestar Social engade: “por todo iso, esperamos contar unha vez máis con todos vós nestas tardes os domingos cheas de ritmo e bo baile”.