A deputada de Cultura Iria Castro participou esta tarde  acto inaugural do Ribadeo Indiano, o pregón de Martín Fernandez Vizoso, xornalista e estudoso da emigración da Mariña a América, quen centrou o seu discurso en recoñecer a achega ao desenvolvemento de Ribadeo de Ramón González e doutros retornados e filántropos.

A responsable provincial aproveitou a súa intervención no acto para valorar a oportunidade que ofrece o Ribadeo Indiano para atoparse coa nosa historia e recoñecer o legado social e cultural da emigración.

A area de Cultura da Vicepresidencia da Deputacion de Lugo apoia a organización do Ribadeo Indiano a través dun colaboración de colaboración con ACISA, que contribúe ao financiamento da decoración das rúas, prazas e negocios con bandeiras, flocos e faroliños e da programación de actividades culturais e musicais como a xincana indiana e o espazo de xogos tradicionais no parque de San Francisco.

A Vicepresidencia da Deputacion de Lugo tamén colabora a través desta subvención excepcional no financiamento da viaxe a México que ACISA sorteará entre a clientela da restauración e o comercio ribadense o domingo, durante o concerto de Los Van Van, que pecha a programacion deste ano.

CONSELLEIRO DE CULTURA

Durante o mesmo acto, o conselleiro de Cultura, José López Campos, salientou a “implicación e entusiasmo” da veciñanza de Ribadeo nun acontecemento que “lembra unha parte moi importante da nosa historia, como son os movementos migratorios”

López fixo fincapé na posta en valor “do legado a todos os niveis, cultura, artístico o arquitectónico, que deixaron os emigrantes retornados”

O Goberno galego colabora con esta iniciativa no marco da campaña ‘Para gustos, cultura’ que programa máis de 3.400 actividades en máis de 200 concellos