Acisa Ribadeo e Banco Sabadell procederon a renovar o convenio de colaboración que ambas as entidades manteñen desde hai anos.

En virtude deste acordo establécese un marco de colaboración para dar resposta ás necesidades de produtos e servizos do ámbito bancario para os  asociados da Asociación de Comerciantes, Industriais, Servizos e Autónomos de Ribadeo, cunha ampla oferta con produtos de financiamento en condicións preferentes.

Desde Acisa Ribadeo “estamos moi satisfeitos coa renovación deste convenio que beneficia amplamente aos nosos asociados e asociadas”. Asinaron a renovación a presidenta de Acisa, Carmen Cruzado, e Jesús González, responsable de Banco Sabadell en Ribadeo.

Ao acto asistiron o xerente de Acisa, Jesús Pérez, e Fernando Vieiro, responsable de Colectivos de Banco Sabadell.