O programa Preto de Ti leva agora ás parroquias charlas sociosanitarias, que están a ter unha grande acollida por parte dos asistentes, segundo subliñou a concelleira de Benestar Social, Elena Sierra.

A edil ribadense contou que “o programa Preto de Ti continúa dinamizando as parroquias, ademais das súas actividades semanais como memoria, ximnasia, manualidades e Argadelo, xa implantadas desde hai tempo e que para xúbilo noso cada ano conta con máis usuarios, nacen agora as charlas sociosanitarias. María, enfermeira no noso servizo de benestar social, é a encargada de impartilas e teño que dicir que con gran éxito tratan temas tan interesantes como poden ser os primeiros auxilios, as constantes vitais, o auto coidado…”.

Sierra explicou: “e agora a esta nova iniciativa únesenos a experiencia do doutor José Antonio Flórez, catedrático de Medicina e Ciencia da Universidade de Oviedo, que o pasado mes de decembro en Ribadeo xa nos falou da importancia de envellecer con humor. E agora quixo trasladar os seus consellos ás nosas parroquias. A cita concretamente foi onte en Cedofeita, onde o doutor Flórez insistiu en que o humor é o mellor fármaco para a saúde e a lonxevidade, unha receita que ata o de agora non se compra nas farmacias e que está ao alcance de todo o mundoPalabras descoñecidas”.