O BNG de Ribadeo explica nun comunicado que as obras do Hospital Asilo da vila non está avanzando ao ritmo requerido. Así, a formación nacionalista apunta que “a 15 de decembro, o grado de cumprimento das obras de reforma do Hospital Asilo era só dun 45%. Desde logo, pensar que van rematar esta reforma nos prazos previstos, para finais de marzo do 2025, non ten moito sentido. Cómo van ser quen de facer en catro meses tanto como o que lles levou case ano e medio?” Tamén apuntan a falta de concreción en canto ao sistema de xestión previsto para as instalacións.

O BNG ribadense critica que as obras se estean realizando “a golpe de ocorrencias e declaracións para a galería”. Nese sentido, apuntan os “vídeos aproveitando un cachiño de obra” para gravar visitas de autoridades.

Lembran ademais que as familias das persoas desprazadas a outras residencias “ven como se esgotan os prazos de execución”. Acusan ao alcalde Daniel Vega de “promesas incumpridas” e de ser “cada vez máis prepontente e máis incontrolado no gasto”.