Ribadeo recollerá axuda para as persoas damnificadas pola DANA a partir do vindeiro luns, 4 de novembro. Será no Centro Sociocomunitario, segundo ven de informar a concelleira de Benestar Social, Elena Sierra.

A edil ribadense explicou que “foron moitos os veciños que se puxeron en contacto connosco para ofrecer a súa axuda aos damnificados pola DANA. Desde o primeiro momento este concello estivo en contacto coa FEMP, Federación Española de Municipios e Provincias de España, e de maneira organizada e coordinada achegaremos as axudas que desde alí demándannos”.

Sierra subliñou que “recollerase auga, leite, conservas, alimentos infantís, cueiros, compresas e tampones. O punto de recollida será o Centro Sociocomunitario, situado á beira do Concello, a partir do luns de 10 a 13 horas e de 16 a 20 horas, durante toda a semana”.

E engadiu que “a recollida farase pola porta lateral situada á beira do aparcamento de vehículos municipais. De antemán queremos dar as grazas a todos os veciños pola súa colaboración”.