Mais de 30 persoas participaron no Torneo de Padel + Tenis, que se disputou en Ribadeo do 19 ao 25 de agosto. Foi organizado polo Club de Tenis Ribadeo, que contou coa colaboración do Concello ribadense e da Xunta de Galicia.

Na entrega de premios aos gañadores participaron o alcalde, Dani Vega, e o concelleiro de Deportes, Francisco José Silvent, que indicou: “estamos moi contentos de que o Club de Tenis Ribadeo recuperase esta cita, que levaba uns cantos anos sen celebrarse”. E engadiu: “felicidades pola organización deste evento, para o que sempre contarán co apoio do noso Concello. Fomentar a práctica deportiva entre adultos e nenos e os seus valores son os nosos obxectivos”.