InicioOrientalRibadeoO alcalde de Ribadeo pediu melloras para o concello á Conselleira de...

O alcalde de Ribadeo pediu melloras para o concello á Conselleira de Medio Rural

Publicada o

- Advertisement -

O alcalde de Ribadeo, Dani Vega, xestionou numerosas melloras para as parroquias do concello durante a entrevista que mantivo coa nova conselleira de Medio Rural, María José Gómez. Coa colaboración deste departamento da Xunta de Galicia o Concello porá en marcha os plans Avanza Rural e Fontes Vivas.

O rexedor adiantou que o Concello de Ribadeo “elaborará o plan Avanza Rural a dous anos co obxectivo de mellorar as infraestruturas na zona rural de xeito paulatino e planificado. Tal e como diciamos dende a oposición, buscaremos o consenso veciñal: preguntaremos, escoitaremos e despois actuaremos nas parroquias”.

Dani Vega subliñou que “nunha primeira intervención o investimento ascenderá a máis de 395.000 euros. Están contempladas actuacións nas parroquias, tanto do interior como da costa”.

O alcalde explicou que “tamén abordamos nesta xuntanza a elaboración de proxectos para o arranxo de camiños forestais das zonas afectadas polos incendios do ano pasado”. E anunciou que o Concello presentoulle á Consellería de Medio Rural “un proxecto senlleiro, denominado Fontes Vivas, para a rehabilitación e recuperación de todas as fontes e lavadoiros de Ribadeo”.

A conselleira e o alcalde ribadense tamén analizaron unha colaboración co Seaga (Servizo Agrario Galego) para desbrozar zonas próximas aos montes de difícil acceso, para evitar que se ocasionen incendios forestais neses lugares. Ademais o Concello actuará nos meses de xuño e xullo na mellora das pistas da concentración parcelaria. 

ÚLTIMAS

Manuel Arango: “O Certame de Teatro naceu do gusto que había en Lourenzá pola escena”

-Cal foi a raíz deste Certame de Teatro Amador en Lourenzá? Porque aquí en Lourenzá...

Javier Veiga: “Creamos esta rapa para dinamizar o lugar e que a xente se anive a vir”

-Por que se creou esta Rapa das Bestas de Neipín, na Pontenova, sendo esta...

Comeza o Ribadeo Indiano 2024 para esta fin de semana

Ribadeo vibra xa co Indiano 2024. A cor branca tingue xa as rúas e...

Foz celebrará este sábado as actuacións de Mallou e Habelas Hainas

sábado, día 13 de xullo, ás 22.30 horas na praza Rosalía de Castro...