InicioOrientalRibadeoACISA Ribadeo pon á venda as entradas para a Gala do XXXV...

ACISA Ribadeo pon á venda as entradas para a Gala do XXXV aniversario

A presidenta de Acisa, Carmen Cruzado, anunciou que “hoxe sacamos á venda as entradas para a X Gala de Acisa Ribadeo, na que celebraremos o 35 aniversario da asociación"

Publicada o

- Advertisement -

Todo está preparado para a Gala do 35 aniversario de Acisa Ribadeo, que terá lugar o 28 de abril no Parador de Turismo. As entradas que saen á venda hoxe, teñen un prezo de 35 euros.

Pódense adquirir nas oficinas de Acisa Ribadeo na R/San Roque 57 – baixo ata o 25 de abril. A presidenta de Acisa, Carmen Cruzado, anunciou que “hoxe sacamos á venda as entradas para a X Gala de Acisa Ribadeo, na que celebraremos o 35 aniversario da asociación. Estas entradas teñen un prezo de 35 euros tanto para socios como para non socios. As mesmas pódense adquirir desde hoxe ata o 25 de abril, aínda que recomendamos facelo canto antes”.

Jesús Pérez, xerente de Acisa lembra que “esta gala está aberta a todo aquel que desexe asistir, sexa socio ou non de Acisa, ou veciñas e veciños da nosa vila que desexen compartir connosco este importante día de celebración. A X Gala de Acisa 35 aniversario celebrarase o domingo 28 de abril no Parador de Turismo de Ribadeo ás 21:00 horas. Neste evento, non só conmemoramos os 35 anos de vida da nosa entidade se non que entregaremos os galardóns á substitución xeracional a María Antonia López Lens e María Gamallo López, os galardóns como negocios emblemáticos á Candelaria e A Praza, e o recoñecemento como ribadense do ano a Vicky Álvarez Lebredo”.

Cruzado Iglesias destaca que “queremos anunciar e agradecer ás empresas patrocinadoras e colaboradoras nesta importante cita. Un evento destas características e deste nivel, require dun investimento especial pola nosa banda, algo que non poderiamos facer sen a colaboración externa. Por iso, queremos agradecer de forma especial aos nosos patrocinadores principais, as empresas asociadas BeOne e Vitaldent, aos nosos patrocinadores (tamén asociados): Talleres Cardi, A Mariña Asesores e Limpezas Lema e ás empresas que colaboran dalgunha maneira con este evento: Paradores, Bombones Moreno, Azpilicueta, Viña do Campo e a asociación de raza autóctona Porco Celta. Por suposto tamén queremos dar as grazas pola súa colaboración ao Concello de Ribadeo e á Xunta de Galicia”.

Pérez Prada engade que “o menú do que poderemos gozar nesta cea de gala: contarémosche cun cortador de jamos, para facer máis levadía a espera para pasar ao comedor, onde gozaremos de catro entrantes: pionono de salmón afumado, encurtidos e crema de queixo; cañita de follado cheo de brandada de ourizo, táboa de embutidos e tacita de crema de andaricas. De primeiro teremos un dúo de vieiras a galega e ao natural. A continuación, un sorbete de mandarina, e de segundo, paleta de porco celta, asado no seu zume, patacas parisienses e atadillo de verduras. E para pechar unha fabulosa sobremesa de tocinillo de ganache de chocolate branco”. Desde Acisa animan a todos os ribadenses que queren asistir e especialmente ao empresariado a que adquiran a súa entrada para compartir esta data tan especial.

Balance Semana Santa

Desde Acisa Ribadeo realizan un balance positivo desta semana Santa. Carmen Cruzado asegura que “a pesar da climatoloxía, que auguraba quizais unha mala Semana Santa, debemos dicir que estamos contentos, xa que a ocupación hostaleira roldou o 85% de media, especialmente notable desde o mércores ao domingo. O sector da restauración indícanos que traballou moi ben, sobre todo de xoves a domingo, dobrando quendas nas comidas. Houbo bo ambiente de bares e de compras. As rúas estiveron cheas de xente, porque a choiva deunos treguas importantes estes días en Ribadeo. Os aparcamentos estaban cheos, houbo días nos que os coches chegaban ata a zona da Vilavella. O porto de Porcillán e Rinlo estiveron a lume de biqueira estes días, houbo colas para acceder á Illa Pancha… estamos satisfeitos. Se a climatoloxía fose mellor se habería alcanzando o 100% de ocupación nos días festivos. Quedamos no 85%, que non está nada mal”. Palabras descoñecidas

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...