Barreiros acollerá o vindeiro 2 de outubro a primeira das probas da XIII Marcha Ciclista Unificada que organiza Special Olympics Galicia, coa colaboración da Vicepresidencia da Deputación de Lugo e do Concello de Barreiros.
A marcha, cun percorrido de 19 quilómetros polo concello barreirense, reunirá deportistas de colectivos do apoio a persoas con capacidades diferentes -Fundación Eu Son, Prodeme, AS Burgas, Aspas, Con Eles e San Francisco – e de clubs ciclistas – CC Xiabre e CC Monforte -, visibilizando o deporte como un espazo de inclusión e convivencia. A organización agarda a participación de 44 persoas, tendo en conta tamén o persoal de apoio.
O presidente de Olympics Galicia Eladio Fernández explicou que “organizamos para que a sociedade vexa as posibilidades que teñen as persoas con discapacidade intelectual se contan cos medios e recursos para levar a cabo os seus proxectos, deportivos ou de vida” e presentou a proba como “un día de integración, de ilusión e de convivencia, no que participan persoas con e sin discapacidade”.
O deputado de Mocidade Daniel García -tamén concelleiro de Participación de Dinamización Veciñal – reiterou o “compromiso da Deputación de Lugo con Special Olympics Galicia, que amosa os auténticos valores de deporte” e detallou que “o circuíto, de 19 quilómetros, comparte treitos coa etapa da Volta a Galicia” recentemente celebrada en Barreiros.
A alcaldesa Ana Ermida agradeceu a elección de Barreiros para celebrar a proba “é: un orgullo qeu se cleelbre unha cita deste tipo aquí. Vimos de celebrar unha volta competitiva como a Volta a Galicia, pero sabemos que o importante do deporte e das carreiras non é gañar, se non chegar a meta, e ir derribando barreiras polo medio. E as administracións temos que estar nese camiño”
O acto contou tamén con persoas usuarias da Fundación Eu Son que participarán na proba e da alcaldesa de Burela e presidenta da Fundación Carmela López que destacou a contribución da entidade “a derribar barreiras”. “Gracias a todas esas familias en Burela e en toda a comarca, temos normalizado que hai persoas con capacidades diferentes”.
O xefe de Deportes da Xunta de Galicia Manuel Otero, que interviu tamén no acto, destacou “ as sinerxias entre administacións” para celebrar a proba e parabenizou a Special Olympics Galicia pola iniciativa.
Barreiros abre o calendario da XIII Marcha Ciclista Unificada, que continuará con tres probas máis, en Pereiro de Aguiar, Santiago de Compostela e Vilargarcía de Arousa