Un home tivo que ser auxiliado na Pontenova despois de comunicar el mesmo que estivera varios días nun monte despois dunha caída. Segundo precisou a Europa Press o 112 Galicia, o home chamou este martes alertando de que estaba tirado na cuneta dunha pista e que non puidera chamar antes porque perdera o móbil, ata que finalmente o localizou.

Ademais, aseguraba que tiña un brazo roto e que unha ambulancia podía chegar á zona onde se atopaba. Do suceso, o 112 informou a Urxencias Sanitarias-061 e á Garda Civil.

Posteriormente, mobilizouse unha ambulancia que chegou ata o lugar e que, coas coordenadas facilitadas, conseguiu acceder á zona polo que, segundo precisaron desde o 112, non foi necesario empregar equipos de rescate no lugar, unha pista de Arbillega, na Pontenova.