Gonzalo Vázquez López

O filósofo coreano Byung-Chul Han, no seu ensaio “La sociedad del cansancio” (Ed. Herder), fala do tránsito da sociedade disciplinaria de Foucault a unha sociedade do rendemento, un cambio de paradigma xerador de suxeitos depresivos e autoexplotados por unha liberdade paradoxal. E así é como se teñen que sentir as traballadoras e traballadores dunha sanidade pública espoliada sistematicamente polas medidas privatizadoras do PP.

Mais non imos falar aquí de filosofía e moito menos definir os cadros clínicos ou trazar os perfís psicolóxicos destes maltratados profesionais. Escribo para contarvos as miñas últimas experiencias no hospital da Mariña, baseándome sempre nos datos que figuran no meu historial médico.

O 15 de xaneiro, logo de meses de dor, dunha analxesia agresiva e de moitas visitas a urxencias, lía eu o libro do filósofo no corredor do hospital mentres agardaba a que me chamasen para unha consulta de uroloxía. A miña cita ía xa con moito atraso cando nos avisaron de que teriamos que esperar aínda máis porque a uróloga estaba a facer unha cirurxía. Esa médica, Luisa, debe ser unha profesional como a copa dun piñeiro pois ela soa é o departamento de uroloxía enteiro. E non viña de facer unha cirurxía, senón dúas!

Cando por fin fun atendido, a “super-uróloga” amosoume a súa preocupación polo que me estaba a acontecer, explicoume o diagnóstico e dixo que me derivaría ao HULA a fin de ser avaliado para unha intervención cirúrxica.

Eu sufro tamén de doenzas cardíacas (aneurisma, flutter, arritmia…) e xa en decembro do ano pasado, Miguel, un médico de urxencias pois cardiólogo non había, fíxome unha cardioversión eléctrica.

O 16 de xaneiro, logo de expresar as miñas queixas no servizo de Atención ao Paciente, teño por fin consulta cun cardiólogo. Atendeume Luis Enrique, cuxo nome debe igualmente figurar na lista dos “super-heroes” pois tamén el só é o departamento de cardioloxía enteiro.

E aquí comeza o que a miña familia deu en chamar “unha romaría cardíaca polas urxencias hospitalarias”. Xa vos contei que me tiñan feito unha cardioversión a finais do ano pasado, pois ben, despois da consulta de cardioloxía, fixéronme en urxencias outras tres (3 CVE en 45 días!): o 12 de febreiro fun atendido por Junior Jesús, o 3 de marzo por Carlota e o 29 do mesmo mes por Blanca, esta vez en Compostela.

Debo precisar que cando eu falo de alguén polo seu nome propio, é por amizade ou porque me merece respecto. E por iso fágoo así con esta media ducia de médicas e médicos, para expresarlles o meu agradecemento polo coidado exquisito, empático e profesional co que fun tratado. E todo iso a pesar das condicións estresantes e mesmo inhumanas nas que están a traballar.

Os pacientes desafogamos moitas veces a nosa frustración en quen nos atende no hospital, sen comprender que todos somos vítimas das receitas privatizadoras do Partido Popular. Unha mafia de ideoloxía neoliberal que se lucra negociando coa nosa saúde, unha banda de neocriminais para os que as persoas somos só números que engrosan as súas contas bancarias.

Por iso o goberno da Xunta está a acelerar o desmantelamento dun sistema de saúde que tería que ser do común para o beneficio dos de sempre: as súas familias e as súas amizades. Velaí o que explica a privatización progresiva e o deterioro premeditado do capital humano e material dos hospitais públicos. As súas infraestruturas degrádanse, os servizos desaparecen e os centros privados (Quirón, Ribera, HM…) medran como cogumelos (Ribera Polusa, Ribera Povisa, Ribera Juan Cardona…).

E un caso paradigmático da destrución do público a prol deses intereses espurios é o do noso Hospital da Mariña, ao que agora volvo para seguir coa miña odisea. En todos os informes de alta que me fixeron nas urxencias, faise fincapé na necesidade de que me atenda un cardiólogo o máis axiña posible, pero os meses pasan, o meu corazón non latexa como debería e eu sigo a velas vir.

En fin, pode ser que a miña consulta nunca chegue porque o cardiólogo chámase Godot, como o personaxe de Beckett, no canto de Luís Enrique. Mais, alén das brincadeiras, o evidente é que o noso hospital restrinxe as consultas porque non hai médicas nin médicos dabondo debido á sabotaxe dos servizos públicos. Un maquiavelismo trampulleiro que os populares veñen practicando desde hai anos con total premeditación e aleivosía.

Fica claro que unha das razóns polas que escribo este artigo é de índole persoal. O estrago da miña saúde pon en risco a miña vida e eu xa estou farto de esperar a que me dean cita en cardioloxía. Mais o que tamén teño cada vez máis claro é que a única alternativa que me deixan sería a de entrar no meu hospital e non saír de alí ata que me atendan. E falo do MEU HOSPITAL con maiúsculas porque eu son paciente do Sergas e non de Ribera Polusa ou de Quirón Salud.

Pero a razón máis importante pola que escribo é porque a miña conciencia me obriga a facelo. Porque a defensa dunha sanidade pública, gratuíta e de calidade é un imperativo social para calquera demócrata. E porque, aos meus máis de setenta anos, sei moi ben o que hai que facer para que non nos rouben o noso.

Así que as miñas palabras queren ser tamén unha chamada ao teu compromiso. Defende a sanidade pública e non te deixes asoballar por esas sambesugas corruptas e prevaricadoras que che zugan a vida. Apoia, colabora e participa en todos os actos reivindicativos da Plataforma na Defensa da Sanidade Pública da Mariña. E loita polos dereitos de todas e todos nós, aqueles que tanto custou conquistar e que hoxe están feridos de morte.

P.D.: Remato o artigo co parágrafo anterior porque sei que esta loita ten que ser colectiva, mais tamén engado esta posdata para dicirvos que estou considerando a posibilidade de presentar nos tribunais de xustiza unha demanda por neglixencia criminal contra aqueles que atentan contra o meu dereito á saúde (art. 43 da Constitución española). Calquera axuda ou idea que me queiras achegar será sempre benvida. Saúde.

Assim como o nosso hospital, também a nossa língua atravessa tempos obscuros. Por isso, partilho contigo o mesmo artigo tal e como teria que ser escrito, se não quisermos que o galego acabe fagocitado definitivamente pelo castelhano.

O futuro do Hospital da Marinha depende de ti

O filósofo coreano Byung-Chul Han, no seu ensaio “A sociedade do cansaço” (Ed. Padrão), fala da transição da sociedade disciplinar de Foucault a uma sociedade do rendimento, uma mudança de paradigma que gera sujeitos depressivos e autoexplorados por uma liberdade paradoxal. E é assim como se têm que sentir as trabalhadoras e trabalhadores de uma sanidade pública espoliada sistematicamente pelas medidas privatizadoras do PP.

Mas não vamos falar aqui de filosofia e muito menos definir os quadros clínicos ou traçar os perfis psicológicos destes maltratados profissionais. Escrevo para contarvos as minhas últimas experiências no hospital da Marinha, baseando-me sempre nos dados que figuram no meu historial médico.

A 15 de janeiro, depois de meses de dor, de uma analgesia agressiva e de muitas visitas às urgências, lia eu o livro do filósofo no corredor do hospital enquanto aguardava que me chamassem para uma consulta de urologia. A minha cita ia já com muito atraso quando nos avisaram de que teríamos que esperar ainda mais porque a urologista estava a fazer uma cirurgia. Essa médica, Luísa, deve ser uma profissional como a copa de um pinheiro pois ela sozinha é o departamento de urologia inteiro. E não vinha de fazer uma cirurgia, senão duas!

Quando por fim fui atendido, a “super-urologista” amossou-me a sua preocupação pelo que me estava a acontecer, explicou-me o diagnóstico e disse-me que me derivaria ao HULA a fim de ser avaliado para uma intervenção cirúrgica.

Eu sofro também de doenças cardíacas (aneurisma, flutter, arritmia…) e já em dezembro do ano passado, Miguel, um médico de urgências pois cardiologista não havia, fez-me uma cardioversão elétrica.

A 16 de janeiro, após apresentar as minhas queixas no serviço de Assistência ao Paciente, tenho por fim consulta com um cardiologista. Fui atendido por Luis Enrique, cujo nome deve igualmente fazer parte da lista dos “super-heróis” pois também ele sozinho é o departamento de cardiologia inteiro.

E aqui começa o que a minha família chamou “uma romaria cardíaca pelas urgências hospitalares”. Já vos contei que me tinham feito uma cardioversão a finais do ano passado, pois bem, depois da consulta de cardiologia, fizeram-me em urgências outras três (3 CVE em 45 dias!): a 12 de fevereiro fui atendido por Junior Jesús, a 3 de março por Carlota e a 29 do mesmo mês por Blanca, desta vez em Compostela.

Devo precisar que quando eu falo de alguém pelo seu nome próprio, é por amizade ou porque me merece respeito. E por isso o faço assim com esta meia dúzia de médicas e médicos, para expressar-lhes o meu agradecimento pelo cuidado requintado, empático e profissional com que fui tratado. E tudo isso apesar das condições estressantes e mesmo inumanas em que estão a trabalhar.

Os pacientes desafogamos muitas vezes a nossa frustração em quem nos atende no hospital, sem compreender que todos somos vítimas das receitas privatizadoras do Partido Popular. Uma máfia de ideologia neo-liberal que se lucra negociando com a nossa saúde, um bando de neo-criminosos para quem as pessoas somos só números que engrossam as suas contas bancárias.

Por isso o governo da Xunta está a acelerar o desmantelamento de um sistema de saúde que teria que ser do comum para o benefício dos de sempre: as suas famílias e as suas amizades. Eis o que explica a privatização progressiva e o estrago premeditado do capital humano e material dos hospitais públicos. As suas infra-estruturas degradam-se, os serviços desaparecem e os centros privados (Quirón, Ribera, HM…) medram como cogumelos (Ribera Polusa, Ribera Povisa, Ribera Juan Cardona…).

E um caso paradigmático da destruição do público a prol desses interesses espúrios é o do nosso Hospital da Marinha, ao que agora volto para seguir com a minha odisseia. Em todos os informes de alta que me fizeram nas urgências, salienta-se a necessidade de que me atenda um cardiologista o mais depressa possível, mas os meses passam, o meu coração não bate como deveria e eu sigo a vê-las vir.

Enfim, pode ser que a minha consulta nunca chegue porque o cardiologista chama-se Godot, como a personagem de Beckett, no canto de Luis Enrique. Mas, além das brincadeiras, o evidente é que o nosso hospital restringe as consultas porque não há médicas nem médicos suficientes devido à sabotagem dos serviços públicos. Um maquiavelismo trapaceiro que os populares vêm praticando desde há anos com total premeditação e aleivosia.

Fica claro que uma das razões pelas que escrevo este artigo é de índole pessoal. O estrago da minha saúde põe em risco a minha vida e eu já estou farto de esperar a que me dêem cita em cardiologia. Mas o que também tenho cada vez mais claro é que a única alternativa que me deixam seria a de entrar no meu hospital e não sair de lá até que me atendam. E falo do MEU HOSPITAL com maiúsculas porque eu sou paciente do Sergas e não de Ribera Polusa ou de Quirón Salud.

Mas a razão mais importante pela qual escrevo é porque a minha consciência me obriga a fazê-lo. Porque a defesa de uma sanidade pública, gratuita e de qualidade é um imperativo social para qualquer democrata. E porque, aos meus mais de setenta anos, sei muito bem o que há que fazer para que não nos roubem o nosso.

Assim, as minhas palavras querem ser também uma chamada ao teu compromisso. Defende a sanidade pública e não te deixes submeter por essas sanguessugas corruptas e prevaricadoras que te chucham a vida. Apoia, colabora e participa em todos os atos reivindicativos da Plataforma na Defensa da Sanidade Pública da Mariña. E luta pelos direitos de todas e todos nós, aqueles que tanto custou conquistar e que hoje estão feridos de morte.

P.S.: Remato o artigo co parágrafo anterior porque sei que esta luta tem que ser coletiva, mas também acrescento este pós-escrito para dizer-vos que estou considerando a possibilidade de apresentar nos tribunais de justiça uma demanda por negligência criminal contra aqueles que atentam contra o meu direito à saúde (art. 43 da Constituição espanhola). Qualquer ajuda ou ideia que queiras partilhar será sempre bem-vinda. Saúde.