IniciosociedadeA Festa do Percebe ofrece visitas guiadas á Illa Ansarón

A Festa do Percebe ofrece visitas guiadas á Illa Ansarón

O evento, que será o 14 de xullo, inclúe outras actividades paralelas, como obradoiros para nenos

Publicada o

- Advertisement -

A Festa do Percebe de Xove, que a asociación A Medorra impulsará o 14 de xullo, inclúe actividades paralelas como visitas guiadas á illa Ansarón ou obradoiros para nenos

A degustación gastronómica comezará ás 12.00 horas na Praza do Concello xovense. A ración terá un prezo de 14 euros e os asistentes tamén poderán probar empanadas de zamburiñas, berberechos, polbo ou bonito, cun custo de tres euros por unidade. A charanga Os Charangos e unha discoteca móbil porán ritmo á comida. 

os interesados deben facer a súa reserva, pois a iniciativa ten límite de prazas

A organización dispuxo visitas guiadas á illa de Ansarón. Están previstas para o sábado 14 a partir das 16.00 horas, para e o domingo 15 desde as 10.00. Os interesados en participar deben facer unha reserva previa na web mirandoaomar.xove.es. O número de prazas é limitado. 

Os participantes, acompañados por un educador ambiental, coñecerán a biodiversidade e o ecosistema da zona nunha actividade que se engloba no proxecto ‘Construír o Futuro de Xove Mirando ao Mar’. O Concello, A Medorra, a Asociación de Comerciantes, Industriais e Autónomos do municipio (ACIAM) e o Galp A Mariña Ortegal impulsan a iniciativa, que pretende dar a coñecer especies como o percebe ou o polbo da pedra.

PEQUENOS

Tamén haberá actividades dirixidas aos máis pequenos. O sábado, a partir das 15.30 horas no salón de actos do Concello, os nenos poderán desfrutar de obradoiros cos que coñecerán o percebe e o seu hábitat. Ademais, a sala de exposicións do consistorio acollerá unha mostra con paneis didácticos sobre o polbo e o percebe.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...