O Concello de Xove, a través da súa Área de Muller e Igualdade, activa o servizo de conciliación Xovesperta, dirixido a nenos e nenas de 3 a 12 anos matriculados no CEIP Plurilingüe Pedro Caselles Rollán. Esta mañá presentamos oficialmente o programa e no acto participaron o alcalde Demetrio Salgueiro, a concelleira de Educación María Dolores Meitín, a concelleira de Servizos sociais, Sanidade, Muller e Políticas de Igualdade María Tamara Soto López e representantes da directiva da ANPA do CEIP Pedro Caselles Rollán.
O programa desenvolverase durante todo o curso escolar 2025-2026, de luns a venres en días lectivos dende as 7:30 da maña, co obxectivo de facilitar a conciliación da vida laboral e familiar das familias do municipio.
As inscricións poden formalizarse ata o 25 de setembro na OMIX de Xove ou a través da Sede Electrónica do Concello.