A conselleira de Política Social e Igualdade, Fabiola García, reuniuse co alcalde de Xove, José Demetrio Salgueiro, para avaliar novas vías de colaboración con este concello e poñer en marcha futuras iniciativas de atención a maiores e ás persoas con discapacidade.

Fabiola García lembrou que a Xunta financia 75 prazas públicas de atención a maiores en diferentes recursos e indicou que o pasado ano destináronse 50.000 euros para os bonos coidado no fogar neste municipio.

Segundo informou o Executivo galego, a conselleira destacou que o municipio recibiu nos últimos anos unha achega de preto de 50.000 euros para mellorar a accesibilidade e seguridade dos accesos do centro cívico e do xardín municipal.