O vicepresidente da Xunta, Alfonso Rueda, e a directora de Turismo de Galicia, Nava Castro mantiveron un encontro co presidente da Xunta de Confrarías da Semana Santa de Viveiro, José Veiga, para seguir avanzando na dinamización desta celebración.

Na reunión abordouse tamén a posta en marcha dun proxecto que ofreza información permanente sobre a Semana Santa de Viveiro no Claustro da Igrexa de San Francisco, que funcionaría coma un museo temporal.

Por outra banda, o Goberno galego tamén apoia o traballo das confrarías galegas para manter as tradicións ao mesmo tempo que se converten en importantes reclamos turísticos ao atraer cada ano centos de visitantes para participar nas numerosas procesións e actos relixiosos.