Mariña Patrimonio organiza un desprazamento a Viveiro o vindeiro sábado 13 de outubro, nunha visita na que os participantes poderán coñecer o patrimonio civil e relixioso da vila e dos seus arredores.
Os asistentes visitarán edificios como as igrexas de Santa María e San Francisco ou o casco histórico da cidade do Landro, así como a contorna de Chavín. A actividade contará coa presenza do cronista oficial de Viveiro, Carlos Nuevo Cal.
INSCRICIÓNS
A data límite para anotarse é o luns 8 de outubro. Os interesados en participar deben enviar un correo electrónico a mr.patrimonio@gmail.com.
No e-mail indicarán o seu nome, se son socios ou non do colectivo (o custo oscila entre os tres euros e os 13 para non asociados) e se prefiren reservar o xantar. O prezo por facelo supón 15 euros máis.
O día 10, os inscritos recibirán un correo informándoos do programa final da actividade.