InicioEconomíaAlivio en Vestas trala renovación da metade dos cen eventuais da fábrica...

Alivio en Vestas trala renovación da metade dos cen eventuais da fábrica de Chavín

O comité valora as renovacións nun clima de incerteza "porque significan que hai carga de traballo"

Publicada o

- Advertisement -

A multinacional danesa Vestas renovou a case a metade dos temporeiros -uns 110– que traballaron durante o último ano na fábrica de Chavín, boa parte dos cales remataban o seu contrato este venres.

Do arredor de 50 eventuais que quedarán na factoría, só dez terán por agora a condición de indefinidos e o comité de empresa descoñece cal é a duración dos novos contratos. En todo caso, o presidente do colectivo de traballadores, Jano Grandío, valora as renovacións “porque isto significa que hai carga de traballo”, sinala.

Os eventuais supuñan ata o de agora a metade do cadro de persoal de Vestas en Chavín, cuns 230 traballadores. Os temporeiros, que sacaron adiante a produción de paneis eléctricos para o control de turbinas, viviron con incerteza o anuncio de que a compañía pecharía a factoría de León, que consumía o 40% dos xeneradores eólicos fabricados en Viveiro.

Dada a perda de carga de traballo, planeou sobre a fábrica de Chavín a sombra dun peche que a empresa negou en varias ocasións. A continuidade da metade dos temporeiros disipa as dúbidas entre os traballadores, alomenos a curto prazo, sobre a deslocalización da produción.

ÚLTIMAS

José Antonio Zan: “Alcoa fai un paripé coa venda de San Cibrao para aumentar os ingresos”

O responsable de Comisións Obreiras en Alcoa San Cibrao, José Antonio Zan, cre que a...

Viveiro retira os vehículos abandonados na vía pública

A tenenta de alcaldesa e responsable da área de medio ambiente do Concello de...

Ribadeo eliminará as barreiras arquitectónicas de la EMMeD

O Concello eliminará as barreiras arquitectónicas da EMMeD, que contará con ascensor e...

Barreiros encherá xuño cunha axenda cultural completa

O Concello de Barreiros, a través da súa concellaría de Dinamización, lanza o...